Հեռավար ուսուցման, ընտանեկան դպրոցի կազմակերպման մեր փորձի մասին.
Աշոտ Փաշինյանի ընտանեկան դպրոց, Գայանե Դաջունց
Չինական փիլիսոփայությունն ասում է՝ Կյանքի յուրաքանչյուր իրավիճակ ընդունիր որպես հնարավորություն:
Եվ մենք էլ այս արտակարգ իրավիճակը փորձեցինք դիտարկել որպես հնարավորություն, իրականացնել այն ամենը, ինչի համար մինչ այժմ ժամանակ չէր լինում: Այս իրավիճակում փորձեցինք հնարավորինս արտակարգ ադապտացվել, մեր առօրյայի բոլոր գործողությունները կենտրոնացնել մեկ վայրում՝ աշխատել, սովորել, խաղալ, ժամանցը կազմակերպել մեր արտակարգ տանը՝ հետևելով Առողջապահության նախարարության հորդորներին: Հեռավար ուսուցումը և տանը մնալը օգնեց մեզ ավելի խորությամբ բացահայտելու ուսումնական պրոցեսում Աշոտի ուժեղ և թույլ կողմերը, հնարավորություն տրվեց աշխատելու Աշոտի հետ, անմիջական մասնակից լինել:
Ռադիոթողարկում
Կորոնավիրուս
Ներկայացնեմ մեր առօրյա ընտանեկան դպրոցի մի գործողություններ.
- Հեռավար ուսուցման ընթացքում տանը կիրառում ենք մի քանի հոգեբանական մեթոդներ, խաղեր, որոնցից մեկը կներկայացնեմ: Այս խաղը շատ օգնում է զարգացնելու Աշոտի հիշողությունը, կենտրոնացումը:
Որևէ թեմայի վերաբերյալ անուններ պետք է նշվի, խաղը խաղում են 2 կամ ավելի մասնակից: Հիմնական գաղափարն այն է, որ նոր բառ ասելուց առաջ մասնակիցը պետք է նշի նախորդ նշածները. Օրինակ բանջարեղեններ.
1-ին մասնակից – գազար
2-րդ մասնակից – գազար, կաղամբ
1-ին մասանակից – գազար, կաղամբ, կարտոֆիլ
2-րդ մասնակից – գազար, կաղամբ, կարտոֆիլ, լոլիկ
և այդպես շարունակ…
- Վաղուց էինք ցանկանում կենդանի ձեռք բերել, չէր ստացվում… Այս ընթացքում ձեռք բերեցինք կրիա, որին Աշոտը անվանեց Մոնիկա: Մոնիկայի խնամքով անմիջապես զբաղվում է Աշոտը, կերակրում է նրան, պահպանում Մոնիկայի հիգիենան:
- Աշոտն ամեն առավոտյան հաճույքով մեզ համար տարբեր մրգերից ֆրեշ է պատրաստում և հյուրասիրում
- Փորձում ենք մարզվել տանը, սակայն միշտ չէ որ ստացվում է
- Ժամանակ առ ժամանակ դուրս ենք գալիս զբոսանքի, վարում ինքնագլոր կամ հեծանիվ
- Այլ թեմաներ ենք սովորում՝ ըստ նախասիրության. Ներկայումս ուսումնասիրում ենք աշխարհի քարտեզը, պետությունները, մայրաքաղաքները, դրոշները:
- Ֆիլմեր և մուլտֆիլմեր ենք դիտում
Տանն ունենք նախադպրոցական տարիքի չարաճճի Արեգ, ով ամեն ինչ մեջ կա…
Այս գրեթե երկու ամիսների ընթացքում բավականին շատ նյութ սովորեց Աշոտը.
- Ընթերցում ենք Ջանի Ռոդարից, Թումանյանից, Աղայանից
Խոսում ենք անգլերեն, ռուսերեն:
Զատկական նախապատրաստությունները վիդեոտարբերակով ներկայացրեցինք, բանաստեղծություններ և դիալոգներ ձայնագրեցինք:
Վերոնշյալի հետ մեկտեղ ներկայացնեմ հեռավար ուսուցման բարդությունները, որոնց մենք բախվեցինք.
Ծնողն աշխատում է տանից: Սա անհարմարություն է ստեղծում, քանի որ չեմ կարողանում բավականաչափ ժամանակ հատկացնել ոչ իմ աշխատանքին, ոչ սովորողի ուսուցմանը։
Կենտրոնացման խնդիր սովորողի մոտ: Համակարգչի առջև նստելով՝ ոչ ուսումնական միջավայրը ստիպում է անընդհատ շեղվել այլ ուղղություններով, թվացյալ հեշտ նյութը բավականին դժվար է ընկալվում սովորողի կողմից։
Շփման բացակայություն դասընկերների հետ։
Հաշվի առնելով դժվարությունները, կարծում եմ այս ժամանակահատվածն անհրաժեշտ էր յուրաքանչյուրիս, վերագնահատելու համար այն ինչ ունենք: